| 小學x年班, 一般中文作文都係堂課 有一次竟然變成了家課!!!!!!(惡號!) 由小朋友時代,我已經唔鐘意積埋積埋d野唔做, 所以功課我一般都0係上堂時候(偷偷地)KO晒咁滯, 作文.......絕對唔係可以偷偷地完成既奧運項目吧..... 再者, 作文depends on 題目, 呢條題目我依家已經唔記得左係咩野, 以難度黎講我諗都有lv50-60左右掛..... 對毫無戰鬥力既我而言, 確實係一件苦差! 由於我小學讀下晝班, 返到屋企食飯再clear埋晒其他功課, 時侯已經唔早了 0係精神力不斷下降既時候面對住呢篇作文, 勁想訓覺... 但係我都要迫自己當晚完成, 背後原因只有一個 ---------- 今晚做完聽朝就可以打機打到返學!!!!!!!(對小朋友既我黎講, 呢件事實在係太重要了) 可是作文...往往0係你冇精神既時候, 係十分難作, 終於我苦戰左幾百字....停左0係一個我諗唔倒點作落去既位(冇計啦,level太低.....)頂唔順0係書枱訓左.....醒下訓下寫下咁.......loop左幾次終於死亡 令人震驚既事情發生, 我起身望下自己篇文.......多左一堆''鬼劃符''.................. 以我記得, D字寫出黎係完全冇力的, 但 最型既事情係 1. 一隻字我都睇唔明(哇!) 2.文係用原稿紙作, 堆''鬼劃符''竟然寫晒入格仔入面(汗!) 3.有人類用標點符號(shock!) 4.仲識分段 --------- 即低兩個格開始寫''鬼劃符''(震驚!) 我見倒咁既情形, 用左0.233572346秒將原稿紙弄成一團, 再用多0.19724011秒掉左佢.............. 結果果一朝冇打過機...... |
